વર્ષ વિચિત્ર
આ બે હજાર વીસ
રહેશે યાદ
કરો નમસ્તે
સંસ્કાર આ આપણા
શ્રેષ્ઠ સર્વથા
માસ્ક લગાડો
કોરોનાને ભગાડો
દેશ બચાવો
ભૂલતા નહિ
ઘરે જયારે પહોંચો
હાથને ધોજો
ભૂલ્યા વગર
કરો સૅનેટાઇઝ
લાવેલ ચીજ
રસી આવશે
ખુશહાલી લાવશે
આશ દિલમાં
કોરોના જાશે
ખુશી ફરી આવશે
નવા વર્ષમાં
તું માટીનું ઢેફું, અને ઢેફું હું પણ,
ભેદભાવ શું બંનેમાં સમજાવ ને
તું નશ્વર છે ને છું નશ્વર હું પણ,
ભેદભાવ શું બંનેમાં સમજાવ ને
તું મુસાફર અને મુસાફર હું પણ
ભેદભાવ શું બંનેમાં સમજાવ ને
તું નથી કાયમી અહીં ના હું પણ
ભેદભાવ શું બંનેમાં સમજાવ ને
તું નથી સિકંદર ના કલંદર હું પણ
ભેદભાવ શું બંનેમાં સમજાવ ને
તું પંચભૂતનો બનેલો અને હું પણ
ભેદભાવ શું બંનેમાં સમજાવ ને
તું પીસાય સમય ચક્રમાં ને હું પણ
ભેદભાવ શું બંનેમાં સમજાવ ને
મોઢા પર પટ્ટી બાંધો, રહો બે ગજ સહુ થી દૂર
રોગ બહુ ભૂંડો છે ભાઈ, શરીરને કરી દેશે ચૂર
ઈલાજ શોધાયો નથી હજુ, દવાખાનામાં ભીડ
કોરોનો જો લાગી ગયો તો છૂટી શકે તવ નીડ
મંદિર મસ્જિદ ખુલ્યા હવે ભીડ થઇ બળવાન
બચવાનો એક જ ઉપાય ઘટઘટ માં ભગવાન
થોડા સમયની વાત છે આવશે રસી તુમ હાથ
ત્યાં સુધી ભલામાણસ રહેજો નિયમ ની સાથ
પ્રણામ અને સલામ કરી આપો ડોક્ટર્સને માન
રાત દિવસ લડી રહ્યાં જોખમમાં મૂકી ને જાન
ક્યાં સુધી ઘરમાં રહું કેદ, મજા નથી આવતી
બેઠા બેઠા ખાવામાં હવે મજા નથી આવતી
આ હાડકાંય થવાં લાગ્યા છે હરામ હવે તો
આવું જીવન જીવવાની હવે મજા નથી આવતી
ક્યાં સુધી ચાલશે હવે આ મહામારીનો ખૌફ
સુખનો સુરજ ઉગાડો હવે મજા નથી આવતી
મહેફિલો સુની છે, જાણે લાગ્યા છે ત્યાં તાળા
બધું બેરંગ ભાસે મને હવે મજા નથી આવતી
સુર લય તાલ ને સરગમ બેસૂરા થયાં "દિપક"
ગીત પ્રેમના છેડવામાં હવે મજા નથી આવતી
જીંદગી સાવ રઝળપાટ તમે માનશો?
મંઝીલ પણ છે ઉદાસ તમે માનશો?
રુદન હૃદયમાં છે ભારોભાર ભરેલું
મૂડી એ જ છે મારી પાસ તમે માનશો?
ચમનનાં ફૂલો હવે રડીને જ ખુશ રહ્યાં
મિલનની ઝંખના શ્વાસમાં ભળી તમે માનશો?
બોરના સ્વાદ વિશે શબરીને જ પૂછજો
રામને તો એ મીઠાં જ લાગશે તમે માનશો?
ઝળહળી ઉઠી જીંદગી દિપક એ ક્ષણે
અમાસની હતી એ રાત તમે માનશો?
બદનામ થઇ જવાય
આફતોનું ટોળું રોજ આવીને વીંટળાઈ જાય
એટલે કાઈ થોડું આમ લાચાર થઇ જવાય ?
તડકોય હવે કાઇ ચોક્ખો ચણાક નથી રહ્યો
અમારાથી પણ ક્યારેક ગુનેગાર થઇ જવાય
વિતાવી જીંદગી અમે તો મોજમાં ને મસ્તીમાં
સફાઈ હવે આપું તો ઈમાનદાર થઇ જવાય
ઘરની વાત ઘર મેળે જ પતી જાય તો સારું છે
બધાને કહેતાં ફરીએ તો બદનામ થઇ જવાય
જીંદગીમાં થોડીક ભેળસેળ પણ કરી લેજો યારો
ચોખ્ખું બધું વાપરીએ તો પાયમાલ થઇ જવાય
દીપક એ ના વિચાર શું આપ્યું ને શું મળ્યું તને
શાયર જ તું રહેજે નહીંતર મુનીમ થઇ જવાય
અશ્રુઓનો દરિયો પાર કરી જઈશ કોને હતી ખબર
પ્રણયમાં કાણી હોડી માય સવાર થઇ જવાય
દીપક પંડયા
ગુજરાત છાયા સાહિત્ય કોલમમાં 05-09-2020 નાં રોજ પ્રકાશિત
રમકડાં ખરીદવાની ઇચ્છાઓ મનમાં રાખીને શું કરીશ
ખિસ્સા ખાલી છે તારા મોલભાવ બજારમાં જઈ શું કરીશ
ખબર છે જીદ તારી મંજિલ મેળવવા તું કઈ પણ કરીશ
વિચાર્યું છે રસ્તાઓ કઠીન છે ભટકી ગયો તો શું કરીશ
તારે ડૂબવું જ છે તો જા દરિયા પાસે અહી કેમનો ડૂબીશ
પાર કરવાં માટે નાવ જોઇશે કિનારે ઉભો રહી શું કરીશ
આખોય ખેલ એનો જ છે અને ખેલાડી પણ એના જ છે
કુસ્તી લડીશ કદાચ જીતીશ અંગતને હરાવી ને શું કરીશ
આવ્યું એવું તોફાન અને ઉજડી ગયાં બધાય વૃક્ષ વનનાં
ફળની આશાઓ મુક ઉજ્જડ ડાળીને નમાડી ને શું કરીશ
પેટ ખાલી છે ઘણા દિવસોથી આ ચેહરો તારો બતાવે છે
ખાડો પેટનો તું "દીપક" હવાથી ફુલાવીને ક્યાં સુધી ફરીશ
દીપક પંડયા
