બદનામ થઇ જવાય
આફતોનું ટોળું રોજ આવીને વીંટળાઈ જાય
એટલે કાઈ થોડું આમ લાચાર થઇ જવાય ?
તડકોય હવે કાઇ ચોક્ખો ચણાક નથી રહ્યો
અમારાથી પણ ક્યારેક ગુનેગાર થઇ જવાય
વિતાવી જીંદગી અમે તો મોજમાં ને મસ્તીમાં
સફાઈ હવે આપું તો ઈમાનદાર થઇ જવાય
ઘરની વાત ઘર મેળે જ પતી જાય તો સારું છે
બધાને કહેતાં ફરીએ તો બદનામ થઇ જવાય
જીંદગીમાં થોડીક ભેળસેળ પણ કરી લેજો યારો
ચોખ્ખું બધું વાપરીએ તો પાયમાલ થઇ જવાય
દીપક એ ના વિચાર શું આપ્યું ને શું મળ્યું તને
શાયર જ તું રહેજે નહીંતર મુનીમ થઇ જવાય
અશ્રુઓનો દરિયો પાર કરી જઈશ કોને હતી ખબર
પ્રણયમાં કાણી હોડી માય સવાર થઇ જવાય
દીપક પંડયા
No comments:
Post a Comment