તું માટીનું ઢેફું, અને ઢેફું હું પણ,
ભેદભાવ શું બંનેમાં સમજાવ ને
તું નશ્વર છે ને છું નશ્વર હું પણ,
ભેદભાવ શું બંનેમાં સમજાવ ને
તું મુસાફર અને મુસાફર હું પણ
ભેદભાવ શું બંનેમાં સમજાવ ને
તું નથી કાયમી અહીં ના હું પણ
ભેદભાવ શું બંનેમાં સમજાવ ને
તું નથી સિકંદર ના કલંદર હું પણ
ભેદભાવ શું બંનેમાં સમજાવ ને
તું પંચભૂતનો બનેલો અને હું પણ
ભેદભાવ શું બંનેમાં સમજાવ ને
તું પીસાય સમય ચક્રમાં ને હું પણ
ભેદભાવ શું બંનેમાં સમજાવ ને
No comments:
Post a Comment