મજા નથી આવતી

ક્યાં સુધી ઘરમાં રહું કેદ, મજા નથી આવતી 

બેઠા બેઠા ખાવામાં હવે મજા નથી આવતી

આ હાડકાંય થવાં લાગ્યા છે હરામ હવે તો

આવું જીવન જીવવાની હવે મજા નથી આવતી

 

ક્યાં સુધી ચાલશે હવે આ મહામારીનો ખૌફ

સુખનો સુરજ ઉગાડો હવે મજા નથી આવતી

મહેફિલો સુની છે, જાણે લાગ્યા છે ત્યાં તાળા

બધું બેરંગ ભાસે મને હવે મજા નથી આવતી

સુર લય તાલ ને સરગમ બેસૂરા થયાં "દિપક" 

ગીત પ્રેમના છેડવામાં હવે મજા નથી આવતી