ઘર નાનું હોય કે મોટું

ઘર નાનું હોય કે મોટું, એક ખૂણો એવો જરૂર રાખજો 

જ્યાં મોટે થી હસી શકાય અને મન ભરીને રડી શકાય

વરસાદમાં પલળવાની મજા કંઇક અલગ જ છે દોસ્તો

કાગળની નાવડી તરાવવાનાં એ દિવસો યાદ છે દોસ્તો

ખુલા નભમાં રાત્રે સુતા પહેલાં તારાઓ ગણેલા યાદ છે?

ચાંદાને હાથમાં પકડવાં માટે મારેલા કૂદકાઓ યાદ છે?

ક્યારામાં પાણી આપતાં વૃક્ષ સાથે કરેલી એ પ્રશ્નાવલી

ને એ જ વૃક્ષ પર કિલ્લોલ કરતા પક્ષીઓના એ ઉત્તરો

બધુ જ બધાને કહી શકાય નહિ એ તદ્દન સાચું છે પરંતુ

મનની વાત ખુલીને કહી શકાય તેવા મિત્ર જરૂર રાખજો

જીવનની દરેક પળ માણોને ઉદાસીને ઉપાડી દુર ફેકી દેજો

ઉમર વધી રહી છે સમય સાથે પણ આ ઉમર ની મજા લેજો

દીપક પંડયા

રાણીપ અમદાવાદ