મને ગમે છે

ગુજરાત છાયા સાહિત્ય કોલમમાં ૨૦-૦૮-૨૦૨૦ નાં રોજ પ્રકાશિત

તું મને વાંચે તારી નજરો થી એ મને ગમે છે

દુર થઇ તારાથી ફરી પાછુ મળવું મને ગમે છે

મારા માટે હૃદયમાં તારા કેવી લાગણીઓ હશે

એજ વિચારીને ખુદની સાથે લડવું મને ગમે છે

ચોરી છુપાઈ ને એક બીજાને જોવું નાં જોવું  કરવું

એક થાય નજર તો નજરઅંદાજ કરવું મને ગમે છે

દિવસો તારા જ હતાં રાત પણ હવે તારા જ નામે

સુતા સુતા હવે આમ જાગવું પણ મને ગમે છે

બંધ કરું આંખ તો મુખડું તારુજ હોય છે સામે

ખુલે આંખને સમાઈ જાય તું હૃદયમાં એ મને ગમે છે

દીપક પંડયા