“શકુનિ – એક ગેરસમજ થયેલ રણનીતિજ્ઞ”

મહાભારતમાં જેને સદીઓથી ખલનાયક તરીકે જોવામાં આવ્યા છે, તે શકુનિને આ પુસ્તક એકદમ નવી દ્રષ્ટિથી રજૂ કરે છે. લેખકે શકુનિના વિચારો, દુઃખ, અપમાન અને રાજકીય ચાલોને અત્યંત તાર્કિક અને સંવેદનશીલ રીતે ઉજાગર કર્યા છે.

આ પુસ્તક વાંચતાં વાચકને વારંવાર વિચાર આવે છે કે શું શકુનિ ખરેખર દુષ્ટ હતા કે પછી પરિસ્થિતિઓએ તેમને એવા બનાવ્યા? શ્રી કૃષ્ણ સામે શકુનિ દ્વારા પૂછાયેલા પ્રશ્નો મહાભારતના પરંપરાગત દૃષ્ટિકોણને હલાવી નાખે છે.

લેખનની ભાષા સરળ, પ્રવાહી અને વિચારપ્રેરક છે. ઇતિહાસ, રાજનીતિ અને માનવ મનના સંઘર્ષને એકસાથે જોડતું આ પુસ્તક માત્ર કથા નથી, પરંતુ વિચારવાનું આમંત્રણ છે.

મહાભારતને નવી નજરે સમજવા ઇચ્છતા દરેક વાચક માટે આ પુસ્તક અનિવાર્ય છે.

આપનો અભિપ્રાય જણાવો

“શકુનિ – એક ગેરસમજ થયેલ રણનીતિજ્ઞ” વાંચ્યા બાદ આપનો કિંમતી અભિપ્રાય અમને જરૂરથી જણાવશો.

આ પુસ્તક વિષે આપના વિચારો, લાગણીઓ અને અનુભવો અન્ય વાચકો માટે માર્ગદર્શક બનશે.

આપનો પ્રતિસાદ અમારા માટે પ્રેરણારૂપ છે અને આવનારા વાચકોને યોગ્ય નિર્ણય લેવામાં મદદરૂપ થશે.

✍️ આપનો અભિપ્રાય લખો

📢 અન્ય વાચકો સાથે તમારા વિચારો શેર કરો

આપના પ્રતિસાદની આતુરતાપૂર્વક રાહ જોશું.

પથ્થર છું હું, મારે પણ હવે પીગળવું છે

પથ્થર છું હું, મારે પણ હવે પીગળવું છે,

નથી રડી શકતો, નથી કોઈ ને કઈ કહી શકતો,

અંદર ને અંદર બળ્યા કરું છું,

હવે શ્વાસ લેવામાં પણ તકલીફ થાય છે,

હૃદય રોજ તૂટે છે અને વેરણ છેરણ થઈ જાય છે.

હું પુરુષ છું અને મને પણ તકલીફ થાય છે,

હું પણ પરેશાન છું. 

વર્ષોની મહેનત હોય છે માન સન્માન કમાવવામાં,

કોઈ પોતાનાં અહમની આહુતિ વડે

એને દહેજની આગ કે જે મેં કદી માગ્યું જ નથી

એમાં સ્વાહા કરી દે તો પણ કોઈને કઈ કહી શકતો નથી,

હું પુરુષ છું અને મને પણ તકલીફ થાય છે,

હું પણ પરેશાન છું.

સંબંધો સાચવતા સાચવતા હવે કમર દુખવા લાગી છે,

જવાબદારીઓનું વજન બાંધી નદીમાં ઊતર્યો છું

પણ કદાચ આ નદી પાર નહિ કરી શકું,

મારી વેદના કોઈને કહી નહિ શકું,

કારણ કે થપ્પો લગાવી ને આવ્યો છું ને

મજબૂતીનો,

હું પુરુષ છું અને મને પણ તકલીફ થાય છે,

હું પણ પરેશાન છું.

મન ભરાઈ જાય તો પણ હું રડી નથી શકતો,

નાનપણથી જ શીખવ્યું છે કે છોકરો થઈને રડે છે,

પણ આ બધું ડાયલોગમાં સારું લાગે,

ખરેખર મર્દને પણ દર્દ થાય છે,

હું પુરુષ છું અને મને પણ તકલીફ થાય છે,

હું પણ પરેશાન છું

એકાદ કાયદો તો અમારી તરફેણમાં બનાવો,

એક ખોટો આરોપ, એક ખોટી ફરિયાદ, પછી,

અમારું માન સન્માન બધું જ લાગે દાવ ઉપર,

પુરુષ જેલની અંદર,

આ રીતે બળાત્કાર પુરુષ ઉપર પણ થાય છે,

પછી જે ઈજ્જત આબરૂના લીરા ઉડે એના માટે પણ કોઈ નિર્ભયા જેવો શબ્દ મળે તો શોધજો.

હું પુરુષ છું અને મને પણ તકલીફ થાય છે,

હું પણ પરેશાન છું.

દિપક પંડ્યા

જરૂર આવશે

વાદળ બંધાયા છે વરસાદ પણ જરૂર આવશે

આપણા મિલનની મધુર ક્ષણ જરૂર આવશે

રિસાયેલી છે મારાથી પણ વિશ્વાસ છે એટલો

વાત થશે આપણી એ દિવસ જરૂર આવશે

દીપક પંડયા

જોવાનું મારે

રોજ ઝઝુમુ છું નવી મુસીબત સામે,

પણ નહીં કરું ફરિયાદ કોઈની સામે

વરસવું હોય એટલું વરસી લે તું તારે,

ભીંજાઉં કે રહું કોરો એ જોવાનું મારે.

દીપક પંડયા

પ્રણયની શરૂઆતતો કર

કાળી જુલ્ફોને તું સુરજ પર નાખ ને રાત કર

દોસ્ત આ રીતે તું પ્રણયની શરૂઆતતો કર

હૃદયની જમીન સૂકી પડી છે જમાનાઓથી    

મારી સાથે અમસ્તી તુ એક મુલાકાતતો કર

હોઠ ચૂપ છે, પણ હૈયું આતુર છે કશુંક કહેવા

આંખોમાં આંખ નાખી પ્રેમની જાહેરાતતો કર 

દિલની વાત કર કયારેક તો તું મુલાકાતો માં

વાદળ બની મારા પર પ્રેમનો વરસાદતો કર

દુશ્મન આ જમાનાએ કદી મળવા ક્યાં દીધા

મજનુ તું બની એકવાર સીધી બગાવતતો કર

દિપક પંડયા

World Tea Day !!!

મારા પ્રેમની તે સાવ આટલીજ કિંમત કરી 

ઘરે હું આયો ને તે ચા પણ ઓફર ના કરી

વર્ષ વિચિત્ર - હાઈકુ

વર્ષ વિચિત્ર 

આ બે હજાર વીસ

રહેશે યાદ 

કરો નમસ્તે 

સંસ્કાર આ આપણા

શ્રેષ્ઠ સર્વથા 

માસ્ક લગાડો  

કોરોનાને ભગાડો 

દેશ બચાવો 

ભૂલતા નહિ

ઘરે જયારે પહોંચો

હાથને ધોજો 

ભૂલ્યા વગર 

કરો સૅનેટાઇઝ 

લાવેલ ચીજ 

રસી આવશે

ખુશહાલી લાવશે

આશ દિલમાં

કોરોના જાશે 

ખુશી ફરી આવશે

નવા વર્ષમાં