ગુજરાત છાયા સાહિત્ય કોલમમાં 05-09-2020 નાં રોજ પ્રકાશિત
રમકડાં ખરીદવાની ઇચ્છાઓ મનમાં રાખીને શું કરીશ
ખિસ્સા ખાલી છે તારા મોલભાવ બજારમાં જઈ શું કરીશ
ખબર છે જીદ તારી મંજિલ મેળવવા તું કઈ પણ કરીશ
વિચાર્યું છે રસ્તાઓ કઠીન છે ભટકી ગયો તો શું કરીશ
તારે ડૂબવું જ છે તો જા દરિયા પાસે અહી કેમનો ડૂબીશ
પાર કરવાં માટે નાવ જોઇશે કિનારે ઉભો રહી શું કરીશ
આખોય ખેલ એનો જ છે અને ખેલાડી પણ એના જ છે
કુસ્તી લડીશ કદાચ જીતીશ અંગતને હરાવી ને શું કરીશ
આવ્યું એવું તોફાન અને ઉજડી ગયાં બધાય વૃક્ષ વનનાં
ફળની આશાઓ મુક ઉજ્જડ ડાળીને નમાડી ને શું કરીશ
પેટ ખાલી છે ઘણા દિવસોથી આ ચેહરો તારો બતાવે છે
ખાડો પેટનો તું "દીપક" હવાથી ફુલાવીને ક્યાં સુધી ફરીશ
દીપક પંડયા
